Վարպետության դասեր հանրահռչակ իտալացի դաշնակահար Անտոնիո Դի Կրիստոֆանոյի կողմից

Կազմակերպվեցին վարպետության դասեր հանրահռչակ իտալացի դաշնակահար Անտոնիո Դի Կրիստոֆանոյի հետ։

«Ծնվել եմ Արցախում» ծրագրի մասնակիցները հնարավորություն ունեցան ձեռք բերել նոր կատարողական հմտություններ, խորացնել իրենց մասնագիտական գիտելիքները և աշխատել միջազգային ճանաչում ունեցող երաժշտի հետ։

Վարպետության դասերը դարձան արժեքավոր փորձառություն մասնակիցների համար՝ խթանելով նրանց ստեղծագործական մտածողությունը և մասնագիտական առաջընթացը։

«Ծնվել եմ Արցախում» ծրագրի մասին

 «Ծնվել եմ Արցախում» ծրագիրը նախաձեռնել է դիրիժոր և UNICEF-ի ազգային դեսպան Սերգեյ Սմբատյանը: Ծրագիրը մեկնարկել է 2023թ․՝ Արցախի բռնի տեղահանումից հետո, նպատակ ունենալով ապահովել Արցախից տեղահանված տաղանդավոր պատանի երաժիշտների շարունակական կրթությունը և մասնագիտական զարգացումը։

Այն ընդգրկում է 23 պատանի երաժիշտներ, որոնք ստանում են բազմամակարդակ աջակցություն՝ ներառյալ մասնագիտական ուսուցում, միջազգային մաստեր-կլասների մասնակցություն, օտար լեզուների դասընթացներ, մշակութային այցեր, բեմական փորձ և ամսական կրթաթոշակներ։ Ծրագրի առաքելությունն է պահպանել արցախյան մշակութային ինքնությունը և երիտասարդ սերնդի միջոցով ապահովել այդ ժառանգության շարունակականությունը։

Ծրագիրն իրականացվում է «Հայաստան» համահայկական հիմնադրամի և հիմնադրամի Գերմանիայի և Նիդերլանդների տեղական կառույցների, Կարո Սարգսյանի, Ամերիկայի հայ ավետարանչական ընկերակցության Հայաստանի մասնաճյուղի, «Ցե-Կվադրատ Ամպեգա Ասեթ Մենեջմենթ Արմենիա» ՍՊԸ, «ԴԻԱԼՈԳ» կազմակերպության, «Արտիս Ֆուտուրա» հիմնադրամի, «Մենք ենք մեր սարերը» զարգացման գործակալության, «Իգնայթ» ՍՊԸ և Հայկ Եգանյանի աջակցությամբ։