«Ծնվել եմ Արցախում» ծրագրի մասնակիցները Վիսենտե Ալբերոլայի վարպետության դասին

Հուլիսի 17-ին «Ծնվել եմ Արցախում» ծրագրի պատանի կլարնետահարները մասնակցեցին բացառիկ վարպետության դասի՝ աշխարհահռչակ կլարնետահար և դիրիժոր Վիսենտե Ալբերոլայի ղեկավարությամբ։

Այս հնարավորությունը ոչ միայն մասնագիտական հմտությունների կատարելագործման հերթական քայլն էր, այլ նաև մեծ ոգեշնչում մեր պատանի երաժիշտների համար՝ իրենց սիրված գործիքով երաժշտական ճանապարհը շարունակելու համար։

--

«Ծնվել եմ Արցախում» կրթական ծրագրի նպատակն է պահպանել և զարգացնել Արցախում ծնված, այսօր Հայաստանում ապրող տաղանդավոր պատանի երաժիշտների մշակութային ժառանգությունը։ Ծրագրի գաղափարը Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր, UNICEF-ի ազգային դեսպան Սերգեյ Սմբատյանինն է։ Ծրագրի շրջանակում ընտրված 23 պատանի երաժիշտներ 5 տարի շարունակ ստանալու են խորացված մասնագիտական կրթություն և հնարավորություններ՝ ելույթ ունենալու աշխարհի տարբեր բեմերում հնչեցնելով՝ «Ծնվել եմ Արցախում» արտահայտությունը։

Ծրագիրն իրականացվում է «Մենք ենք մեր սարերը» զարգացման գործակալության, «Հայաստան» համահայկական հիմնադրամի Գերմանիայի և Նիդերլանդների տեղական կառույցների, Ամերիկայի հայ ավետարանչական ընկերակցության Հայաստանի մասնաճյուղի, ԴԻԱԼՈԳ կազմակերպության , «Իգնայթ» ՍՊԸ և անհատ բարերարներ՝ Կարո Սարգսյանի և Հայկ Եգանյանի աջակցությամբ։