«Ծնվել եմ Արցախում» ծրագրի մասնակիցները Հայաստանի պատմության թանգարանում

«Ծնվել եմ Արցախում» ծրագրի երիտասարդ երաժիշտները հնարավորություն ունեցան այցելելու Հայաստանի պատմության թանգարան՝ ծանոթանալու ազգային ժառանգության եզակի նմուշներին և հայ ժողովրդի բազմադարյա պատմության հարուստ էջերին։

Այս այցելությունն առանձնահատուկ նշանակություն ուներ մասնակիցների համար, քանի որ այն հնարավորություն տվեց խորապես զգալ իրենց արմատները, մշակութային ինքնությունը և ազգային արժեքների կարևորությունը։ Տեսնելով պատմական հնագույն ու բացառիկ նմուշներ՝ նրանք ավելի հստակ գիտակցեցին, որ մշակույթը միայն անցյալի ժառանգություն չէ, այլև կենդանի ուժ, որը նրանցից յուրաքանչյուրն է կրում ու շարունակում։