Զրույցներ, որոնք դեռ պետք է դառնան երաժշտություն

«Ծնվել եմ Արցախում» ծրագրի պատանի երաժիշտները հանդիպել էին մաեստրո Սերգեյ Սմբատյանի հետ։

Հանդիպումը ջերմ էր, ընկերական և լի նոր գաղափարներով: Նրանք զրուցում էին, կիսվում իրենց պատմություններով, մտքերով, ապագայի երազանքներով։

Գծվում էին գաղափարներ, ծրագրեր, որոնք վստահաբար սկիզբ են դառնալու մեծի ու կարևորի։

Երաժշտությունն, ինչպես միշտ, միավորում է, և այս հանդիպումը ևս մեկ անգամ հիշեցրեց, թե որքան ուժ ունի արվեստը՝ ոգեշնչելու և ճանապարհ բացելու լուսավոր ապագայի համար։