«Ծնվել եմ Արցախում» ծրագրի մասնակիցները` կոմպոզիտոր և դաշնակահար Քրիստինա Առաքելյանի վարպետության դասին

Փետրվարի 7-ին Արամ Խաչատրյանի տուն-թանգարանում «Ծնվել եմ Արցախում» ծրագրի մասնակիցները ներկա գտնվեցին ժամանակակից կոմպոզիտոր և դաշնակահար Քրիստինա Առաքելյանի վարպետության դասին:

Վարպետության դասի ընթացքում երիտասարդ երաժիշտները ոչ միայն ծանոթացան կոմպոզիտորի ստեղծագործական մոտեցումներին և երաժշտական մտածողությանը, այլև ունկնդրեցին նրա արժեքավոր խորհուրդները կատարողական վարպետության, երաժշտական արտահայտչականության և տեխնիկական հմտությունների կատարելագործման վերաբերյալ։